About Nayrang
تعارف - صفحہ اول - اپریل 1, 2020

کچھ نیرنگ کے بارے میں

نیرنگ ویب سائٹ اور نیرنگ ایپ، نیرنگ ٹرانسکریئیشن سروسز کی تیارکردہ ہیں۔

About Nayrang


نیرنگ کا قیام آج سے قریب بیس سال پہلے 1999ء میں محدود پیمانے پر عمل میں آیا تھا جو آج اللہ تعالیٰ کے فضل سے کام یابی کے اس درجے تک پہنچ چکا ہے۔


نیرنگ ٹرانسکریئیشن سروسز ترجمے اور ایپ سازی کا ایک منفرد ترین ادارہ ہے جو قارئین کے لیے اردو تراجم کا بے مثال مواد مرتب کر رہا ہے۔

نیرنگ میں زیادہ تر تحریریں انگریزی ادب کے کلاسیکی ناولوں اور عصرِحاضر کی معروف امریکی ایپ ریڈ اٹ کے نو سلیپ سیکشن کی پیرانارمل کہانیوں کے اردو تراجم پر مشتمل ہیں.

علاوہ ازیں یہاں مشہور و معروف انگریزی مصنفین کے بے شمار مختصر اور طویل انگریزی ناولوں کو بامحاورہ اردو میں بھی پیش کیا جارہا ہے جس کی وجہ سے یہ ویب سائٹ اور ایپ بنیادی طور دنیا بھر سے پراسرار ترین خبروں، دل دہلا دینے والے ہول ناک ناولوں، افسانوں اور کہانیوں کا ایک جامع ترین گل دستہ ہے جس  کا معیار قارئین کو عہدِرفتہ کے شاہ کار اردو رسالوں کی طرح محسوس ہو گا۔

قارئین نیرنگ میں اہم مگر منفرد ترین خبروں، انوکھی باتوں، دل چسپ و عجیب منفرد واقعات کے علاوہ فن و ثقافت، تعلیم و تربیت اور کھیل سے متعلق تحریروں سے بھی حظ اٹھا سکیں گے۔

نیرنگ کے گوشۂ شعروادب میں اردو تاریخ کی مایہ ناز شاعری، نثر اور طنزومزاح کے ساتھ عصرِحاضر میں نظروں سے اوجھل نوجوان مگر بے مثال شعراء کی تحریروں اور دنیا بھر سے مشاعروں کی تقریبات کو بھی آڈیو/ویڈیو فارمیٹ میں پیش کیا جائے گا۔


افکارِ اقباؔل فلسفۂ نیرنگ | حرفِ محبت ترکی نہ تازی


یہاں پیش کی جانے والی سائنس و ٹیکنالوجی، دنیائے طب، مفید ایجادات، خلائے بسیط، سائنس فکشن، ناقابلِ یقین اور پیرانارمل عوامل سے جڑی تحریریں بھی اپنی نوعیت میں آپ ہیں جب کہ اردو، انگریزی قاموس کا لنک بھی ساتھ ہی دیا جا رہا ہے۔

نیرنگ اپنی نوعیت میں منفرد ویب سائٹ اور ایپ ہے جو مسلسل اپ ڈیٹ ہوتی رہے گی۔

اگرچہ نیرنگ ویب سائٹ اور ایپ کی وجودپذیری ابتدا میں اشتہارات ہی کی رہینِ مِنّت ہے مگر یہاں اس بات کا خاص خیال رکھا گیا ہے کہ اشتہارات قارئین کے لیے ناگوار، پریشان کن اور خلل انگیز ثابت نہ ہونے پائیں کیوں کہ نیرنگ ایک فیملی پورٹل ہے۔

نیرنگ کو پاکستان کے باصلاحیت صحافیوں اور اپنے پیشے میں یدِطولیٰ رکھنے والے افراد کی تجربہ کار ٹیم کی خدمات حاصل ہیں اور اس کاوش کا ایک مقصد اُن لوگوں کو انگریزی کی بہترین اور پُراسرار ترین تحریروں سے روشناس کرانا بھی ہے جن سے وہ محض زبان کی دشواری کے باعث لطف اندوز نہیں ہو پاتے۔

ان مصنفین میں ایڈگر ایلن پو؛ ایچ پی لَو کرافٹ؛ اسٹیفن کنگ؛ برام اسٹوکر؛ اگاتھا کرسٹی؛ شرلاک ہومز؛ کلائیو بارکر؛ رے براڈ بیری؛ میری شیلے؛ شرلے جیکسن؛ پیٹر اسٹراب؛ ڈین کونٹز؛ رابرٹ لوئیس اسٹیونسن؛ ایم آر جیمز؛ رامسے کیمپ بیل؛ جیمز ہربرٹ؛ این رائس؛ رابرٹ ای ہاورڈ؛ کلارک ایشٹن اسمتھ؛ ایچ جی ویلز؛ گراہم ماسٹرٹن؛ ہنری جیمز؛ آرتھر کانن ڈائل اور آسکر وائلڈ کی تصنیفات سرِفہرست ہیں جب کہ یہاں اسی نوعیت کے بے شمار دوسرے قلم نگاروں کے جواہر پارے – نیز معروف ترین پُراسرار ناولوں کے ترجمے قسط وار شکل میں بھی پیش کیے جائیں گے۔

علاوہ ازیں نیرنگ، انگریزی سے اردو اور اردو سے انگریزی بامحاورہ اعلیٰ ترین تراجم کی ثابت شدہ پروفیشنل خدمات بھی فراہم کر رہا ہے۔ اس سلسلے میں دل چپسی رکھنے والے یہاں کلک کریں۔

ترجمہ نگاری کے ساتھ نیرنگ ابتدائی طور پر ایم اے انگلش کے خواہش مند طلبہ و طالبات کے لیے ملکی تاریخ میں پہلی بار لائیو آڈیو ویژل کلاسز کا سلسلہ بھی شروع کر رہا ہے جہاں اعلیٰ ترین لیکچرز میں معیاری تراجم کے ساتھ مشقِ تحریر کے لیے دنیا بھر سے مستند مگر اصل مواد فراہم کیا جائے گا۔ ایم اے انگلش میں مہارت کے حصول کے خواہش مند یہاں کلک کریں۔

چوں کہ نیرنگ بہر طور ایک انسانی کاوش ہی ہے جس میں غلطیوں کا امکان ہمیشہ موجود رہے گا چناں چہ قارئین سے گزارش ہے کہ وہ اپنا قیمتی وقت نکال کر نہ صرف غلطیوں کی نشان دہی کریں بلکہ نیرنگ کو بہتر سے بہتر تر بنانے کے لیے دیے گئے تبصرہ سیکشن میں اپنے مشوروں سے بھی نوازتے رہیں۔

وزٹ کرنے کا شکریہ