Hurf-e-Mohabbat Turkey Na Taazi
نقطۂ نظر - صفحہ اول - ستمبر 19, 2019

حرف محبت ترکی نہ تازی


نے مُہرہ باقی نے مُہرہ بازی

جیتا ہے رومؔی ہارا ہے رازیؔ



روشن ہے جامِ جمشید اب تک

شاہی نہیں ہے بے شیشہ بازی



دل ہے مسلماں میرا نہ تیرا

تُو بھی نمازی میں بھی نمازی



میں جانتا ہوں انجام اُس کا

جس معرکے میں مُلّا ہوں غازی



تُرکی بھی شیریں تازی بھی شیریں

حرفِ محبّت تُرکی نہ تازی



آزر کا پیشہ خارا تراشی

کارِ خلیلاں خارا گدازی



تُو زندگی ہے پائندگی ہے

باقی ہے جو کچھ سب خاک ‌بازی